My Ordinary Day

    Har bir insonning hayotida oʻziga xos kun tartibi, oʻziga mos hayot tarzi bo‘ladi. Talabalar hayoti esa o‘ziga xos shoshilish, quvonch, maqsadlar sari borish va tinimsiz mehnat bilan to‘la. Men ham talabaman va mening oddiy bir kunim ham oddiygina boshlandek tuyulsa-da, u ichida o‘nlab voqealar, yuzlab o‘y-fikrlarni mujassam etgan bo‘ladi.

    Mening kunim tonggi soat 6:30 da boshlanadi. Budilnik chalishi bilan darrov o‘rnimdan turib ketmayman, lekin vaqtni behuda sarflamaslikka harakat qilaman. Avvalo, telefonimni olib ijtimoiy tarmoqlarda oʻtgan kecha dars guruhlarida nima yozilganini ko‘rib chiqaman. Baʼzan oʻqituvchilar ertalabki juftlikdan oldin topshiriq berib qo‘yishlari ham mumkin. Shuning uchun telefonimga nazar tashlash – mening kundalik odatim.

    Soat yettilarda nonushta qilaman. Agar uyda bo‘lsam, onam tayyorlab bergan issiq nonushta bilan kunni boshlash – men uchun eng katta huzur. Talabalar shaharchasida bo‘lsam esa, bir piyola choy va oddiy sendvich bilan kifoyalanaman. Nonushtadan so‘ng universitetga shoshilaman. Jamoat transportida ketar ekanman, qulog‘imda naushnik – audio kitob yoki ingliz tilidagi podkast tinglab boraman. Bu bilan vaqtdan unumli foydalanishga odatlanganman.

    Birinci para soat 8:30 da boshlanadi. Auditoriyada kursdoshlar bilan ko‘rishib, salomlashib, shirin suhbat qilib turamiz. Baʼzan darslar juda qiziqarli o‘tadi, baʼzan esa vaqt juda sekin o‘tayotgandek tuyuladi. Ammo bilaman – bilim olish hech qachon oson bo‘lmaydi, lekin uning samarasini butun hayoting davomida ko‘rasan. Shuning uchun har bir darsga masʼuliyat bilan qarashga harakat qilaman.        Tushlik payti esa alohida bir voqea. Do‘stlarim bilan oshxonaga tushamiz, u yerda nafaqat ovqatlanamiz, balki darslardan tashqari mavzularda suhbatlashamiz: kelajak rejalarimiz, ish, biznes, til o‘rganish yoki shunchaki hayot haqida gaplashamiz. Har kuni shu paytlarda tushunaman: talaballik – bu nafaqat o‘qish, balki o‘zingni jamiyatda topish davri ekan.

    Kunning ikkinchi yarmi odatda mustaqil taʼlimga bag‘ishlanadi. Kutubxonaga boraman yoki uyda    o‘tirib dars tayyorlayman. Baʼzan qo‘shimcha tarzda kurslarga ham qatnashaman: IT, til o‘rganish yoki shaxsiy rivojlanish bo‘yicha darslar olishni yaxshi ko‘raman. Chunki bugungi kunda faqat universitet diplomi bilan cheklanib bo‘lmaydi – hayot raqobat talab qiladi.

     Kechki payt esa sportga vaqt ajrataman. Sport – meni charchoqdan xalos qiladigan, ruhiy jihatdan tiklanishga yordam beradigan mashg‘ulot. Shundan so‘ng uyga qaytib, oilam bilan telefon orqali gaplashaman yoki do‘stlarim bilan online tarzda fikr almashaman.

    Kechasi esa kundaligimga qisqacha bugungi kunim haqida yozaman va ertangi kun uchun kichik reja tuzib qo‘yaman. Shunday qilib mening kundalik hayotim oddiy ko‘rinsa-da, unda maqsad sari yo‘l, orzu sari harakat, mehnat sari intilish bor. Men ishonaman: bugungi mehnat ertaga albatta o‘z mevasini beradi.Va men kunimda shu filmni koʻrish bilan Yakunladim.