Omeka.net ancha qiyin bo‘ldi

 Raqamli tarix fanidagi topshiriqlarni omeka.net orqali bajarish menga boshida ancha qiyin bo‘ldi. Platformaga kirganimda hammasi begona, tushunarsiz tuyildi. Ayniqsa rasm yuklash jarayoni juda qiynadi. Qayerga bosish kerak, qaysi joyga rasm tushadi hammasi adashib ketdi.Eng ko‘p qiynagan narsa rasm yuklanganda tizimning injiqligi. Ba’zan rasm o‘lchami kichik bo‘lsa ham qabul qilmaydi, ba’zan yuklangan rasm umuman ko‘rinmay qoladi. Yuklandi deb o‘ylayman, kirib qayta qarasam hech narsa yo‘q. Shuning uchun bir rasmni bir necha bor qayta yuklashga to‘g‘ri keldi. Internet ham tinch qo‘ymadi. Sahifa sekin ochiladi, rasm yarimta yuklanib qoladi, ba’zan esa butunlay xatolik beradi. O‘shanda uzoq vaqt yuklanmoqda… degan aylanishga qarab o‘tirgan vaqtlarim ko‘p bo‘ldi. Oxirgi daqiqada topshiriq tashlash esa, albatta, yanayam muammo boʼldi. Yana ba’zi joylarda saqlash tugmasini bossam, tizim birdan chiqib ketadi yoki rasm o‘rniga bo‘sh joy paydo bo‘ladi. Rasm sig‘may qolgan holatlar ham bo‘ldi joyini o‘zgartirib turib yana qayta yuklashga majbur bo‘ldim. Meni eng katta qilgan hatolarimdan biri omeka.netga faqatgina items degan joyiga rasm yuklaganman holos. Yaʼni kolleksiya yaratmaganman, maʼlumotlarim kam boʼlib qolgan. Ustoz xatolarimni menga batafsil tushuntirib berdi. Boshida hammasi juda chalkash bo‘ldi, lekin asta-sekin o‘rganib oldim. Endi qayerga bosish kerakligi, toʼliq kolleksiya yaratishni oʼrganib oldim, hammasi tushunarli bo‘ldi. Bir paytlar qiynagan jarayon oxirida ko‘nikmaga aylangani yaxshi bo‘ldi. Hozir omeka.netda bemalol koleksiya yaratib yuklay olaman.