Academia.edu sayti.

 Academia.edu sayti haqida

Salom do'stlar! Bugun sizlarga Academia.edu degan sayt haqida gapirib bermoqchiman. Bu saytni darsda o'rgandik va o'zim ham ro'yxatdan o'tdim.

Academia.edu nima?

Academia.edu bu olimlar va talabalar uchun maxsus ijtimoiy tarmoq. Bu yerda ilmiy maqolalar, tadqiqotlar va turli ishlanmalar joylashtirish mumkin. Dunyo bo'ylab millionlab olimlar va talabalar bu saytdan foydalanadi.Birinchidan, bu yerda turli mavzular bo'yicha ilmiy ishlarni topish mumkin. Masalan, tarix, adabiyot, biologiya va boshqa fanlar bo'yicha maqolalar bor. Ikkinchidan, o'z ishlaringizni ham joylashtirib, boshqalar bilan bo'lishish mumkin. Bu juda qulay. 

Rõyxatdan õtishda duch kelgan muamolarim

Aytishim kerakki, ro'yxatdan o'tish unchalik oson emas edi. Bir nechta muammo bilan duch keldim:  Ro'yxatdan o'tgandan keyin emailga tasdiqlash havolasi kelishi kerak edi. Lekin mening emailga xat kelmadi. Spam papkasini ham tekshirdim, u yerda ham yo'q. Ikkinchi marta urinishga to'g'ri keldi.Sayt juda ko'p ma'lumot so'raydi. Qaysi universitetda o'qishingiz, qanday mavzular bilan qiziqishingiz, tadqiqot yo'nalishlaringiz va boshqa narsalar. Bularni to'ldirish biroz vaqt oldi.Saytning interfeysi asosan ingliz tilida. Ba'zi so'zlarni tushunish qiyin bo'ldi. Google Translate yordamga keldi albatta. Tasdiqlash jarayoni - Ba'zi bo'limlar faqat universitet emaili bilan kirish mumkin ekan. Oddiy gmail bilan to'liq foydalanib bo'lmaydi. Bu ham biroz chalg'itdi. 

Academia.eduning afzalliklari

Qiyinchiliklarga qaramay, sayt juda foydali. Kerakli maqolalarni topish oson. Boshqa talabalarning ishlarini ko'rish va o'rganish mumkin. Kelajakda o'z ishlarimizni ham shu yerga joylashtirsak, boshqa odamlar o'qib, fikr bildirishlari mumkin. Yana bir yaxshi tomoni shuki, qaysi mamlakat olimi bo'lishidan qat'iy nazar, hamma bir platformada. Xorijiy maqolalarni ham o'qish imkoniyati bor. Academia.edu ilmiy tadqiqotlar uchun juda yaxshi sayt. Garchi ro'yxatdan o'tish biroz qiyin bo'lsa ham, bunga arziydi. Agar siz ham talaba yoki tadqiqotchi bo'lsangiz, albatta ro'yxatdan o'ting. Faqat sabr qiling va barcha qadamlarni diqqat bilan bajaring. 

Umid qilamanki, bu post sizga foydali bo'ldi. Savollaringiz bo'lsa, izohda yozing!