Gapminder haqida maʼlumotcha

 Zamonaviy dunyoda iqtisodiy, demografik va ijtimoiy jarayonlar to‘g‘risidagi aniq ma’lumotlarga ega bo‘lish muhim ahamiyatga ega. Global miqyosdagi ko‘plab hodisalar haqida ommaviy axborot vositalari orqali tarqaladigan ma’lumotlar ko‘pincha noto‘g‘ri yoki eskirgan bo‘ladi. Shuning uchun real faktlarga asoslangan, tushunarli va qulay statistik manbalar jamiyat uchun g‘oyat zarur. Ana shunday platformalardan biri — Gapminder.org hisoblanadi.

Gapminder - bu Shvetsiyada tashkil etilgan mustaqil notijorat tashkilot bo‘lib, uning asosiy maqsadi dunyodagi ijtimoiy-iqtisodiy o‘zgarishlarni aniq statistikaga asoslangan holda vizual tarzda ko‘rsatishdir. Platforma global rivojlanish indikatorlarini qulay grafiklar, interaktiv xaritalar va dinamik diagrammalar orqali taqdim etadi.

Tashkilotning asoschilari — shifokor va statistik Hans Rosling, uning o‘g‘li Ola Rosling va kelini Anna Rosling Rönnlund. Ular Gapminder orqali dunyo haqidagi noto‘g‘ri tasavvurlarni yo‘qotish va faktlarga asoslangan fikrlash madaniyatini shakllantirishni maqsad qilgan.

Gapminder insoniyatning global o‘sish jarayonini real raqamlar orqali ko‘rsatadi. Ko‘plab insonlar hali ham dunyo rivojlanmayapti yoki ko‘plab davlatlar halokatda degan tasavvurlarga ega, ammo statistik faktlar butunlay boshqacha manzarani namoyish etadi: ta’lim darajasi oshmoqda, o‘rtacha umr ko‘rish davomiyligi ko‘tarilmoqda, bolalar o‘limi kamaymoqda, iqtisodiy imkoniyatlar kengaymoqda.Shu sababli Gapminder zamonaviy dunyoni to‘g‘ri tushunish uchun eng ishonchli va dolzarb manbalardan biri hisoblanadi.

Gapminder.org bugungi kunda global miqyosdagi muhim o‘zgarishlarni tushunish, faktlarga asoslangan fikrlashni shakllantirish va murakkab statistik ma’lumotlarni sodda ko‘rinishda taqdim etish bo‘yicha yetakchi platformalardan biridir. U nafaqat tadqiqotchilar yoki o‘qituvchilar uchun, balki keng omma uchun ham foydali bo‘lgan kuchli ta’limiy resursdir. Gapminder orqali insonlar dunyo haqidagi noto‘g‘ri tasavvurlaridan xalos bo‘lib, real manzarani ko‘ra oladi.