Lionel Messi

Lionel Messi — Orzuga aylangan hayot hikoyasi.

Bugun jahon yulduzi, bemalol aytsak ham boʻladi sovrinlar boʻyicha hamma deyarli hamma sovringa ega, Jahon chempion, eng koʻp oltin toʻp sohibi, bir mavsumda goʻl urish boʻyicha rekordchi hamda barcha davrlarning eng zoʻri Leonel Messi haqida bir kichik hikoya soʻz boradi. Rolandochilar sizlarga comentga go. Bir paytlar Argentinaning Rosario shahrida kichkina, lekin katta orzulari bor bir bola yashardi. Uning ismi Lionel Messi edi. U kun bo‘yi hovlida, ko‘chada, maktabdan qaytgan zahoti esa maydonda to‘p tepardi. Messi uchun futbol nafaqat o‘yin, balki hayotning o‘zi edi.

Ammo uning yo‘li unchalik oson kechmadi. 10 yoshga yetganida shifokorlar u bo‘y o‘sishi bilan bog‘liq muammoga duch kelganini aytishdi. Davolanish qimmat, oilasining esa buning uddasidan chiqishga qurbi yetmasdi. Messi orzularini yo‘qotayotgandek tuyuldi…

Shu payt dunyoning narigi tarafida — Ispaniyada joylashgan «Barselona» klubi bu boladagi iste’dodni sezdi. Ular davolanish xarajatlarini to‘liq o‘z bo‘yniga olishdi va Messini o‘z futbol maktabiga olib ketishdi. Messi uchun yangi hayot boshlangandi. La Masiya akademiyasida u haddan tashqari kamtar, sokin, ammo to‘p bilan mo‘jiza yaratadigan bola sifatida tanildi. U hali yosh bo‘lsa-da, katta jamoalar futbolchilaridan ham tez, ham mohir edi. Unga bir narsaning o‘zi yetar edi: maydonga to‘p va bo‘sh joy. 2004 yilda Messi «Barselona» tarkibida debyut qildi. Shundan so‘ng butun dunyo «kichik yulduzcha»ning qanday qilib futbol olami afsonasiga aylanishini ko‘ra boshladi. U o‘nlab rekordlarni yangiladi, jahonning eng yaxshi futbolchisi mukofoti — «Oltin to‘p»ni qayta-qayta qo‘lga kiritdi.

Messi uchun eng katta sinovlardan biri — 2022 yilgi Jahon chempionati edi. Argentina terma jamoasi yillar davomida bu unvondan mosuvo bo‘lib kelayotgan edi. Ammo Messi jamoani orqasiga olib oldi, hech qachon taslim bo‘lmadi va nihoyat — Qatar 2022 finalida Argentina chempion bo‘ldi. Shu tariqa Messi futbol tarixidagi eng buyuk orzularidan birini ro‘yobga chiqardi.