Bugun raqamli tarix darsimiz odatdagi darslardan butunlay boshqacha va juda qiziqarli o‘tdi. O‘qituvchimiz bizni zamonaviy axborot texnologiyalari orqali tarixni o‘rganish bilan tanishtirdi. Dars davomida biz Padlet platformasida ishlashni o‘rgandik. Avval boshida bu sayt bizga devor kabi ko‘rindi, lekin u oddiy devor emas, balki bilimlar, rasmlar, videolar va fikrlar yig‘iladigan raqamli makon ekanini tushundik.
Har birimizga alohida topshiriq berildi. Kimdir tarixiy shaxs haqida ma’lumot joyladi, yana kimdir qadimgi shaharlarga oid suratlar qo‘shdi, boshqalar esa muhim tarixiy voqealar haqida qisqa izoh yozishdi. Men ham o‘zim tanlagan mavzu bo‘yicha rasm va matn joylashtirdim. Eng qiziq tomoni – hamma bir vaqtning o‘zida ishladi va har bir kiritilgan ma’lumot darhol hammaga ko‘rinib turdi. Shu orqali biz bir-birimizdan ham o‘rganib bordik.
Dars davomida vaqt qanday tez o‘tganini bilmay qoldik. Oddiy daftar va kitob bilan o‘tirib o‘qigandan ko‘ra, bunday raqamli usulda tarixni o‘rganish ancha qiziqarli va esda qolarli bo‘ldi. Biz nafaqat tarixiy bilimlarni mustahkamlab oldik, balki raqamli ko‘nikmalarimizni ham rivojlantirdik. Dars oxirida hammamiz bugungi mashg‘ulot juda foydali va zamonaviy bo‘lganini tan oldik.
Yahshi fikrlar
ReplyDeleteRahmat Kamronbek 👍
ReplyDelete