Perplexity AI haqida ma'lumotlar

 Perplexity AI — sun’iy intellektga asoslangan “answer engine” (javob beruvchi qidiruv tizimi), ya’ni u oddiy qidiruv tizimidan farqli ravishda sizga toʻgʻridan-toʻgʻri javob berishga harakat qiladi, faqat linklar roʻyxatini bermaydi. Javoblar LLM (katta til modellari) yordamida yaratiladi va javoblar ichida manbalar (citations) ko‘rsatiladi, ya’ni “qaysi saytlardan ma’lumot olingani”ni bilish mumkin. 

Kompaniya 2022-yilda tashkil etilgan. Asoschilari: Aravind Srinivas, Denis Yarats, Johnny Ho va Andy Konwinski. San-Fransiskoda joylashgan. 

Bepul versiyasi: Asosiy “search + chat” funksiyasiga ega. Foydalanuvchilar oddiy savollar berishi va Perplexity javobini olishi mumkin, manbalar bilan. iOS va Android ilovalari bor. 

Pulli versiyasi: Pro foydalanuvchilarga chuqur tadqiqot (deep research), fayllarni yuklash (Word, PDF, Excel va boshqalar), va web hamda ichki hujjatlardan izlash imkoniyati beriladi. Pro versiyada turli backend modellarni tanlash mumkin (misol uchun, GPT‑4, Claude va boshqalar). API ham mavjud, ya’ni dasturchilar Perplexity qidiruv infratuzilmasidan foydalanishlari mumkin. 

Comet: Perplexity AI “Comet” nomli o‘zining AI-brauzerini chiqardi. Chromium asosida yaratilgan va AI yordamida foydalanuvchining brauzer sessiyasini suhbatsimon va interaktiv tarzda boshqarishga imkon beradi. Comet foydalanuvchilarga: maqola xulosalari olish, rasmlar haqida soʻrash, izlanish qilish, elektron pochta yozish va boshqa vazifalarni juda qulay va tabiiy tarzda bajarish imkonini beradi. Ilk bosqichda baʼzi foydalanuvchilar uchun “Max” obuna rejasiga bogʻlab qoʻyilgan edi. 

Biz perplexityning dicover bo'limidan ko‘plab zamonaviy yangiliklarni kuzatishimiz mumkin bo‘ladi. 

Ilm-fan yangiliklarini, sport yangiliklarini va boshqa barcha yangiliklarni va zamonaviy dunyoni eng so‘nggi aniqliklarda kuzatish mumkin.

 Har bir javob uchun manbalar keltiriladi,bu foydalanuvchiga ma’lumotning ishonchliligini tekshirish imkonini beradi. Baʼzi holatlarda Perplexity so‘rovga internetdan eng soʻnggi ma’lumotlarni olishi mumkin. 

Moslashuvchan modellar: Pro versiyada foydalanuvchi turli LLM modellarini tanlashi mumkin — bu foydalanuvchining ehtiyojiga moslashadi. 
Ichki fayllarni qidirish (internal knowledge): Pro foydalanuvchilar o‘z fayllarini (Word, PDF va h.k.) Perplexity ichida indekslash va ulardan ma’lumot izlashlari mumkin. AI brauzer tajribasi: Comet brauzeri orqali AI bilan toʻliq integratsiyalashgan veb-surfing tajribasini yaratadi. Kompaniya tez surʼatda o‘sib bormoqda va katta investorlar (masalan, Nvidia, Jeff Bezos) tomonidan moliyalashtirilgan. “Comet” brauzeri bilan Perplexity AI faqat qidiruv vositasi bo‘lib qolmay, balki foydalanuvchining asosiy veb-interfeysiga aylanishi mumkin. Pro hamda Enterprise versiyalari orqali biznes va ilmiy foydalanuvchilar uchun kuchliroq imkoniyatlar taqdim etilmoqda.

Perplexity AI qisqa qilib aytganda ma'lumotlar bazasi boshqa sun'iy intelektlar masalan Chat gpt kabi katta bo'lmasligi mumkin lekin unga nisbatan ancha yangiroq ma'lumotlarni sizga taqdim etadi. Perplexity AIdan men ko‘pincha zamonaviy yangiliklarni olishda va o‘quv jarayonlarida foydalanaman. Ushbu sun'iy intelektdan qay maqsadda foydalanish o'zingizga havola. Foydali bo‘ldi degan umiddaman. Tashakkur!!!