Hozirgi globallashuv davrida ilm-fan va taʼlim sohasida axborot almashinuvi nihoyatda muhim ahamiyat kasb etmoqda. Tadqiqotchilar, talabalar va ilmiy izlanuvchilar o‘z izlanishlari natijalarini keng ommaga yetkazish, yangi maʼlumotlar bilan tanishish hamda ilmiy hamkorlikni yo‘lga qo‘yish uchun turli elektron platformalardan foydalanadilar. Shunday qulay va mashhur platformalardan biri Academia.edu hisoblanadi.
Academia.edu — bu butun dunyo olimlari va ilmiy ish yurituvchilari foydalanadigan ijtimoiy- ilmiy tarmoq bo‘lib, uning asosiy maqsadi ilmiy maqolalarni bepul tarqatish va ilmiy hamjamiyatni birlashtirishdir. Ushbu platforma 2008-yilda tashkil etilgan bo‘lib, bugungi kunda millionlab foydalanuvchilarga ega. Saytga aʼzo bo‘lgan har bir tadqiqotchi o‘z ilmiy ishlarini yuklashi, boshqa olimlarning ishlarini o‘qishi va ular bilan bevosita aloqa o‘rnatishi mumkin.
Platformaning asosiy afzalligi shundaki, u ilmga qiziquvchilar uchun ochiq va qulay. Foydalanuvchilar maqola, referat, dissertatsiya, taqdimot kabi turli ilmiy materiallarni joylashi va ulardan foydalanish imkoni mavjud. Bundan tashqari, Academia.edu tadqiqotchilarga o‘z ishlariga nechta ko‘rish, yuklab olish yoki iqtibos keltirish amalga oshirilganini kuzatib borish imkonini beradi. Bu esa ilmiy faoliyat samaradorligini baholashda juda muhimdir.
Shuningdek, platforma ilmiy mavzular bo‘yicha yangi takliflar, muhokamalar va tadqiqot yo‘nalishlarini ham ilgari suradi. Har bir foydalanuvchi o‘z qiziqishlariga mos ilmiy yo‘nalishlarni kuzatib borishi mumkin. Bu esa ilmiy doirada muntazam ravishda yangilanib boradigan maʼlumotlardan xabardor bo‘lishga yordam beradi.
Academia.edu bugungi kunda ilm-fan rivojiga katta hissa qo‘shayotgan zamonaviy platformalardan biridir. U nafaqat ilmiy ishlarni ommalashtirish, balki ilmiy hamjamiyatni birlashtirish, bilim almashinuvini kuchaytirish va tadqiqotchilar o‘rtasida hamkorlikni kengaytirishga xizmat qiladi. Shu sababli, bu platformadan foydalanish har bir talaba, o‘qituvchi va olim uchun foydali hisoblanadi.
Do'stim hamma postiga yozdim
ReplyDeleteZo'r chiqqan yaxshi
ReplyDeleteZur
ReplyDeleteGap yõq
ReplyDelete70-75 iiiiii
ReplyDelete70-75 iiiii
ReplyDelete