Zotero.org haqidagi o'zgargan fikrim.

 Zotero.org men uchun ilmiy izlanish jarayonida eng qulay va zamonaviy vositalardan biri bo‘ldi. Avvallari manbalarni alohida fayl yoki daftar qilib yig‘ib yurardim, ko‘pincha tartib buzilib ketardi. Zotero esa hamma narsani bir joyda, toza va tushunarli holatda saqlash imkonini berdi.

Eng yoqqan jihati shundaki, maqola, kitob, internet sahifasi yoki PDF bo‘lsin, barchasini avtomatik tarzda tanib, bibliografiya sifatida qayd qilib qo‘yadi. Shuningdek, turli papkalar yaratib mavzular bo‘yicha manbalarni alohida guruhlash imkoniyati ham juda qulay.

Zotero yordamida iqtibos va adabiyotlar ro‘yxatini turli formatlarda bir necha soniyada rasmiylashtirish mumkin.

Ilmiy maqola yozayotgan, referat tayyorlayotgan yoki katta tadqiqot bilan shug‘ullanayotgan har bir talaba uchun bu katta yengillik. Eng muhimi, dastur bepul va juda sodda. Umuman olganda, Zotero.org men uchun ilmiy manbalarni tartibga solishda eng ishonchli hamroh bo‘lib qoldi.